News

လူ့စွမ်းအားအရင်းအမြစ်များ ဖွံ့ဖြိုးတိုးတက်စေရန်၊ ဆိုက်ဘာလုံခြုံရေးနှင့် ပတ်သက်သည့်ဖြစ်စဉ်များအား ကိုင်တွယ်ဖြေရှင်းတတ်စေရန် ရည်ရွယ်၍ "Incident Handling and CSIRT Management" သင်တန်းအား ကွန်ပျူတာတက္ကသိုလ်(မိတ္ထီလာ)၌ ယနေ့ဖွင့်လှစ်သင်ကြားခဲ့ပါသည်။ (ဆက်လက်ဖတ်ရှုပါရန်။)

အာဆီယံနိုင်ငံများကြား ဆိုက်ဘာတိုက်ခိုက်မှုဖြစ်စဉ်များ ကိုင်တွယ်ဖြေရှင်းရာတွင် ဆိုက်ဘာလုံခြုံရေးနှင့်ပတ်သက်၍ ပိုမိုကြိုတင်ပြင်ဆင်ထားမှု ရှိစေရန်၊ အာဆီယံနိုင်ငံများ၏ အမျိုးသားအဆင့် CERT များ၏ ဆိုက်ဘာတိုက်ခိုက်မှုဖြစ်စဉ် တုံ့ပြန်ခြင်းဆိုင်ရာ အရည်အချင်းများအား စမ်းသပ်နိုင်ရန်အတွက် ဒေသတွင်း ပူးပေါင်းညှိနှိုင်းဆောင်ရွက်သည့် လေ့ကျင့်ခန်းများ ပိုမိုဆောင်ရွက်နိုင်ရန်၊ ဆိုက်ဘာလုံခြုံရေးနယ်ပယ်တွင် Dialogue Partner များနှင့် ပူးပေါင်းဆောင်ရွက်မှု အားကောင်းလာစေရန် ရည်ရွယ်၍ (၄-၉-၂၀၁၉)ရက်နေ့တွင် "ACID - Combat Evolving Cyber Threats with Good Cyber Hygiene" အားလေ့ကျင့်ဆောင်ရွက်ကြရာ အမျိုးသားဆိုက်ဘာလုံခြုံရေးဗဟိုဌာနမှ ဝန်ထမ်းများ ပါဝင်ဆောင်ရွက်ခဲ့ကြကြောင်း သတင်းရရှိပါသည်။ (ဆက်လက်ဖတ်ရှုပါရန်။)

လူ့စွမ်းအားအရင်းအမြစ်များ ဖွံ့ဖြိုးတိုးတက်စေရန်၊ ဆိုက်ဘာလုံခြုံရေးနှင့် ပတ်သက်သည့်ဖြစ်စဉ်များအား ကိုင်တွယ်ဖြေရှင်းတတ်စေရန် ရည်ရွယ်၍ "Incident Handling - Intrusion Detection" သင်တန်းအား ကွန်ပျူတာတက္ကသိုလ်(သထုံ)၌ (၂၄-၈-၂၀၁၉)ရက်နေ့မှ (၂၆-၈-၂၀၁၉)ရက်နေ့ထိ ဖွင့်လှစ်ခဲ့ရာ အမျိုးသားဆိုက်ဘာလုံခြုံရေးဗဟိုဌာနမှ လက်ထောက်ညွှန်ကြားရေးမှူး၊ ဦးမျိုးမြင့်ထိုက်က သင်ကြားပို့ချပေးခဲ့ပါသည်။ (ဆက်လက်ဖတ်ရှုပါရန်။)

Facebook Messenger Virus ဆိုသည်မှာ ပစ်မှတ်ထားသည့်  Facebook Account တစ်ခုကို ဝင်ရောက် သိမ်းပိုက်ပြီးနောက် ၎င်းအကောင့်ကို အသုံးပြုကာ အန္တရာယ်ရှိသော link များကို အခြားအသုံးပြုသူများထံသို့ ပေးပို့ခြင်းဖြစ်သည်။ Attachment Spam ကို သတ်မှတ်ထားသော အချိန်အတိုင်း (တစ်နေ့တစ်ကြိမ် သို့ နှစ်ကြိမ်) တိုက်ခိုက်ခံရသူ၏ Facebook Friends များဆီသို့ အလိုအလျောက် ပေးပို့စေသည်။ ထိုအန္တရာယ်ရှိ virus သည် Trojan Horse သို့မဟုတ် Cryptominer အဖြစ် လုပ်ဆောင်ခြင်းဖြစ်ပြီး ၂၀၁၃ ခုနှစ်ကပင် စတင်နေကာ အကြိမ်များစွာ Update ပြုလုပ်လျက်ရှိသည်။ (ဆက်လက်ဖတ်ရှုပါရန်။)

လူ့စွမ်းအားအရင်းအမြစ် ဖွံ့ဖြိုးတိုးတက်လာစေရန်၊ လူငယ်များအကြား ဆိုက်ဘာလုံခြုံရေးဆိုင်ရာ အသိပညာ ပြန့်ပွားစေရန်နှင့် ဆိုက်ဘာလုံခြုံရေးဆိုင်ရာ သက်မွေးဝမ်းကျောင်းမှု အခွင့်အလမ်းများ တိုးတက်လာစေရန် ရည်ရွယ်ပြီး ပို့ဆောင်ရေးနှင့်ဆက်သွယ်ရေးဝန်ကြီးဌာနနှင့် ပညာရေးဝန်ကြီးဌာနတို့မှ ကြီးမှူးကျင်းပသည့် Myanmar Cyber Security Challenge 2019 (အလွတ်တန်းအဆင့်)ပြိုင်ပွဲကို (၁၁-၈-၂၀၁၉)ရက်နေ့၊ ယနေ့တွင် သတင်းအချက်အလက်နည်းပညာတက္ကသိုလ်၊ ရန်ကုန်၌ ကျင်းပခဲ့ရာ ပို့ဆောင်ရေးနှင့်ဆက်သွယ်ရေးဝန်ကြီးဌာန၊ အမြဲတမ်းအတွင်းဝန် ဦးစိုးသိန်းက အဖွင့်အမှာစကားပြောကြားခဲ့ပါသည်။ ဆက်လက်၍ သတင်းအချက်အလက်နည်းပညာတက္ကသိုလ်၊ ပါမောက္ခချုပ် ဒေါက်တာစောစန္ဒာအေးက အမှာစကားပြောကြားခဲ့ပြီး အမျိုးသားဆိုက်ဘာလုံခြုံရေးဗဟိုဌာနမှ ညွှန်ကြားရေးမှူး ဦးရဲနိုင်မိုးက ပြိုင်ပွဲစည်းကမ်းများနှင့်ပတ်သက်၍ ရှင်းလင်းပြောကြားခဲ့ပါသည်။ (ဆက်လက်ဖတ်ရှုပါရန်။)

ဆိုက်ဘာလုံခြုံရေးဆိုင်ရာအသိပညာများ ဝေမျှရန်နှင့် ဆိုက်ဘာလုံခြုံရေးနယ်ပယ်တွင် လူ့စွမ်းအား အရင်းအမြစ်များ ဖွံ့ဖြိုးတိုးတက်လာစေရန် ရည်ရွယ်၍ (၅-၈-၂၀၁၉)ရက်နေ့တွင် ကွန်ပျူတာတက္ကသိုလ်(မိတ္ထီလာ)၌ အမျိုးသားဆိုက်ဘာလုံခြုံရေးဗဟိုဌာနမှ လက်ထောက်ညွှန်ကြားရေးမှူး ဦးရန်နောင်စိုးက "Cyber Security Status of Myanmar" ခေါင်းစဉ်ဖြင့်လည်းကောင်း၊ လက်ထောက်ညွှန်ကြားရေးမှူး ဦးမျိုးမြင့်ထိုက်က "Myanmar Cyber Security Challenge" ပြိုင်ပွဲအကြောင်းအားလည်းကောင်း ရှင်းလင်းဟောပြောကြားခဲ့ကြရာ ကွန်ပျူတာတက္ကသိုလ်(မိတ္ထီလာ)နှင့် နည်းပညာတက္ကသိုလ်(မိတ္ထီလာ)တို့မှ ဆရာ၊ဆရာမများ၊ ကျောင်းသား၊ ကျောင်းသူများ တက်ရောက်ခဲ့ကြကြောင်း သတင်းရရှိပါသည်။

ဆိုက်ဘာလုံခြုံရေးဆိုင်ရာအသိပညာများ ဝေမျှရန်နှင့် ဆိုက်ဘာလုံခြုံရေးနယ်ပယ်တွင် လူ့စွမ်းအား အရင်းအမြစ်များ ဖွံ့ဖြိုးတိုးတက်လာစေရန် ရည်ရွယ်၍ (၃၀-၇-၂၀၁၉)ရက်နေ့တွင် ရန်ကုန်နည်းပညာတက္ကသိုလ်၌လည်းကောင်း၊ (၃၁-၇-၂၀၁၉)ရက်နေ့တွင် ကွန်ပျူတာတက္ကသိုလ်(သထုံ)တွင်လည်းကောင်း၊ (၁-၈-၂၀၁၉)ရက်နေ့တွင် ကွန်ပျူတာတက္ကသိုလ်(ဘားအံ)နှင့် နည်းပညာတက္ကသိုလ်(မော်လမြိုင်)တွင်လည်းကောင်း ရှင်းလင်းပြောကြားခဲ့ရာ အမျိုးသားဆိုက်ဘာလုံခြုံရေးဗဟိုဌာနမှ လက်ထောက်ညွှန်ကြားရေးမှူး ဦးရန်နောင်စိုးက "Cyber Security Status of Myanmar" ခေါင်းစဉ်ဖြင့်လည်းကောင်း၊ လက်ထောက်ညွှန်ကြားရေးမှူး ဦးမျိုးမြင့်ထိုက်က "Myanmar Cyber Security Challenge" ပြိုင်ပွဲအကြောင်းအားလည်းကောင်း ရှင်းလင်းဟောပြောခဲ့ကြောင်း သတင်းရရှိပါသည်။

ဩစတြေးလျနိုင်ငံ၊ ပါ့သ်မြို့တွင် ၂၀၁၉ ခုနှစ်၊ ဇွန်လ ၂၆ ရက်နေ့မှ ၂၇ ရက်နေ့ထိ လက်ခံကျင်းပမည့် “ASEAN Capture The Flag (CTF) Event” တွင် ပါဝင်ဆောင်ရွက်ရန်အတွက် မြန်မာနိုင်ငံကိုယ်စားပြုအသင်းသည် ရန်ကုန်အပြည်ပြည်ဆိုင်ရာလေဆိပ်မှ ယနေ့နံနက် ၁၀ နာရီခွဲတွင် ဩစတြေးလျနိုင်ငံသို့ ထွက်ခွာသွားကြပါသည်။

ဒေါ်လာ ၂ ဘီလီယံခန့် အကျိုးအမြတ်များ ရရှိပြီးနောက် GandCrab Ransomware Developer များသည် GandCrab Version 5.3 ကို ဆက်လက်မရေးသားတော့ဘဲ Ransomware ရေးသားခြင်းကို အဆုံးသတ်လိုက်ပြီ ဖြစ်ပါသည်။ . ထို့ကြောင့် BitDefender နှင့် Law Enforcement အဖွဲ့အစည်းများက GandCrab 5.2 Decryptor ကို ယမန်နေ့က ထုတ်ပေးလိုက်ပြီး GandCrab 5.2 တိုက်ခိုက်ခံရ၍ mmCERT သို့ တိုင်ကြားခဲ့သူ (၈)ဦးသည် မိမိတို့၏ ဖိုင်များကို ပြန်လည်ရရှိတော့မည် ဖြစ်ပါသည်။

STOP Ransomware ဆိုတာဘာလဲ၊ ဘယ်လိုကူးစက်သလဲ၊ တိုက်ခိုက်ခံရရင် ဘာတွေလုပ်ရမလဲ၊ ဘယ်လိုကာကွယ်ရမလဲ စတဲ့အကြောင်းအရာများပါဝင်တဲ့ "STOP Ransomware Guide Version 1.0" ကို မိမိတို့အဖွဲ့အစည်းမှာ ပြန်လည်ဝေမျှနိုင်ဖို့နဲ့ တိုက်ခိုက်ခံရမှု လျော့ပါးစေနိုင်ဖို့အတွက် ထုတ်ဝေလိုက်ပါတယ်။